Afət Ziyadqızı
İslam İnqilabı Keşikçiləri Korpusu (SEPAH) Hörmüz boğazının şərq hissəsi üzərində daha bir MQ-1 pilotsuz uçuş aparatını (PUA) ələ keçirərək məhv edib.
“Operativ Məlumat Mərkəzi-OMM” xəbər verir ki, bu barədə İranın Məhr Xəbər Agentliyi (MNA) məlumat yayıb.
Məlumata görə, əməliyyat İranın inteqrasiya olunmuş hava hücumundan müdafiə şəbəkəsi çərçivəsində fəaliyyət göstərən yeni və təkmil aerokosmik hava hücumundan müdafiə sistemindən istifadə edilməklə həyata keçirilib. Bu, son günlər ərzində İran qüvvələri tərəfindən zərərsizləşdirilən dördüncü MQ-1 pilotsuz uçuş aparatıdır. PUA-nın missiyası və mənşəyi barədə hələlik rəsmi təfərrüatlar açıqlanmayıb.
Bildirilib ki, İran qüvvələri strateji əhəmiyyət kəsb edən Hörmüz boğazında və ətraf akvatoriyada ABŞ-yə məxsus olduğu bildirilən PUA-lara qarşı hərbi nəzarət və izləmə əməliyyatlarını intensiv şəkildə davam etdirir.
