İranın rəsmi xəbər agentliyi IRNA SEPAH-ın Aerokosmik Qüvvələrinin Hörmüz boğazı ərazisində ABŞ-yə məxsus "MQ1" pilotsuz uçuş aparatını (PUA) vuraraq məhv etdiyini bildirib.
“Operativ Məlumat Mərkəzi-OMM” xəbər verir ki, IRNA-nın yaydığı məlumata əsasən, PUA Hörmüz boğazı üzərində zərərsizləşdirilib.
Bildirilib ki, İran tərəfi hadisənin təfərrüatları ilə bağlı hələlik geniş məlumat açıqlamayıb. Bununla yanaşı, insidentin strateji əhəmiyyət daşıyan Hörmüz boğazında baş verməsinin bölgədə gərginliyi daha da artıra biləcəyi qeyd olunub.
Qeyd edək ki, SEPAH və ABŞ hərbi qüvvələri arasında regionda vaxtaşırı qarşıdurmalar və oxşar insidentlər qeydə alınır. ABŞ rəsmiləri isə məsələ ilə bağlı hələlik rəsmi açıqlama verməyiblər.
