Afət Ziyadqızı
İran İnqilab Keşikçiləri Ordusu (SEPAH) Hörmüz boğazı üzərində MQ-1 tipli pilotsuz uçuş aparatının (PUA) vurulduğunu açıqlayıb.
“Operativ Məlumat Mərkəzi-OMM” xəbər verir ki, bu barədə “Fars” Xəbər Agentliyi məlumat yayıb.
Məlumata görə, PUA İranın hava hücumundan müdafiə sistemi tərəfindən aşkarlanaraq zərərsizləşdirilib.
Bildirilib ki, ABŞ tərəfindən 1990-cı illərdə istehsal olunan MQ-1 tipli PUA-lar ilkin olaraq müşahidə və kəşfiyyat məqsədləri üçün hazırlanıb. Daha sonra bu aparatlara yeni kameralar və raketlər quraşdırılıb.
