OMM Redaksiyası
İngiltərə Premyer Liqasının 8-ci turunda “İpsviç Taun” və “Nottinqem Forest” komandaları üz-üzə gəlib. Oktyabrın 23-də İpsviçdə keçirilən qarşılaşmada qalib müəyyənləşməyib və tərəflər 1:1 hesablı heç-heçə ediblər.
Görüşdə hesabı qonaqlar açıblar. “Nottinqem Forest”in futbolçusu Neko Uilyams 13-cü dəqiqədə dəqiq zərbə ilə komandasını önə keçirib.
“İpsviç Taun” fasiləyə az qalmış hesabı bərabərləşdirib. Julio Ensiso fərqlənərək ev sahiblərinə heç-heçə qazandırıb.
Bu nəticədən sonra “İpsviç Taun” 10 xalla turnir cədvəlinin 9-cu pilləsində qərarlaşıb. 6 xalı olan “Nottinqem Forest” isə 17-ci yerdədir və heç-heçə sayəsində düşmə zonasını tərk edib.
