Afət Ziyadqızı
İran parlamentinin Milli Təhlükəsizlik və Xarici Siyasət Komitəsinin sözçüsü Həsən Qaşqavi dənizlərdə naviqasiya azadlığının sahilyanı dövlətlərin təhlükəsizliyinə xələl gətirməməli olduğunu bildirib.
“Operativ Məlumat Mərkəzi-OMM” xəbər verir ki, bu barədə xarici KİV-lər deputatın Tehran şəhərində verdiyi bəyanatına istinadən məlumat yayıb.
Məlumata görə, Qaşqavi beynəlxalq hüququn əsas prinsipinin suverenliyə hörmət və təcavüzün yolverilməzliyi olduğunu vurğulayıb.
O bildirib ki, naviqasiya azadlığı prinsipi sahilyanı ölkələrin milli təhlükəsizliyi və ərazi bütövlüyü hesabına həyata keçirilə bilməz. Deputat əlavə edib ki, sahilyanı dövlətin təhlükəsizlik maraqlarına qarşı yönəlmiş hər hansı birtərəfli hərbi və ya iqtisadi məhdudiyyət, o cümlədən dəniz blokadası beynəlxalq hüquqa ziddir və düzbağlı müharibə aktı kimi qiymətləndirilə bilər.
Bildirilib ki, bu açıqlamalar Fars körfəzi və Hörmüz boğazı ətrafında dəniz təhlükəsizliyi və ticarət gəmilərinin keçid rejimi ilə bağlı davam edən gərginlik fonunda verilib.
