"NATO-nun Əfqanıstanda hərbi infrastruktur yerləşdirməsi tamamilə qəbuledilməzdir"

"Moskva NATO-nun Əfqanıstanda və bu ölkə ilə qonşu dövlətlərdə hərbi infrastruktur yerləşdirməsini tamamilə qəbuledilməz hesab edir".

“Operativ Məlumat Mərkəzi-OMM” xəbər verir ki, xəbər verir ki, bu sözləri Rusiya xarici işlər naziri Sergey Lavrov deyib.

Rusiya xarici işlər naziri Sergey Lavrov Əfqanıstan üzrə xüsusi nümayəndələr və rəsmilər səviyyəsində Moskva formatında keçirilən məsləhətləşmələrin açılışında çıxış edib.

"İstənilən bəhanə ilə NATO-nun Əfqanıstan ərazisində və ona qonşu dövlətlərdə hərbi infrastruktur yerləşdirməsinin qəti şəkildə qəbuledilməz olduğunu bir daha vurğulamaq istərdim", - o qeyd edib.

Lavrov vurğulayıb ki, belə hərbi mövcudluq regionda sabitliyin pozulmasına səbəb ola bilər.