OMM Redaksiyası
Azərbaycanın U-21 millisinin futbolçusu Murad Məmmədovun çıxış etdiyi “Pafos” Kipr çempionatının VIII turunda səfərdə “Apollon”la qarşılaşıb. Görüş 2:2 hesabı ilə başa çatıb.
Komandası 1:2 hesabı ilə geridə olarkən, 73-cü dəqiqədə meydana daxil olan Məmmədov Nikolas İoannunu əvəzləyib.
“Pafos”un heyətində Lele 28-ci dəqiqədə qol vurub. Meydan sahiblərinin qollarına isə Alen Ojbolt 37-ci, Brendon Tomas 67-ci dəqiqədə imza atıblar.
Qonaqlar 88-ci dəqiqədə Andersonun penaltidən vurduğu qolla məğlubiyyətdən xilas olublar. Bu nəticədən sonra “Pafos” 13 xalla turnir cədvəlinin beşinci pilləsində qərarlaşıb.
Kontekst
Xatırladaq ki, oktyabrın 26-da “Pafos” Kipr çempionatının VII turunda “Nea Salamina” ilə qolsuz heç-heçə edib. Həmin oyunda zədədən qayıdan Murad Məmmədov 70-ci dəqiqədə meydana daxil olmuşdu.
