Arokodare ter Ştegenin məşqlərdə onu əsəbiləşdirdiyini deyib

“Ayaks”ın hücumçusu Toluv alase Arokodare komandanın qapıçısı Mark-Andre ter Ştegen barədə danışıb. Almaniyalı qolkiper Amsterdam klubunda “Barselona”dan icarə əsasında çıxış edir.

Arokodarenin sözlərinə görə, ter Ştegen məşqlərdə onu əsəbiləşdirir: “Ter Ştegen məşqlərdə məni dəli edir. Onun dayanmadan bu qədər topu dəf etdiyini görəndə bəzən çox qıcıqlanıram. Adamın onu vurmağı gəlir!” Sport.es hücumçunun açıqlamasını yayıb.

“Ayaks”ın mətbuat xidməti qapıçının “Barselona”dan keçidini avqustun 4-də elan edib. Ter Ştegen 2014-cü ildən “Barselona”nın formasını geyinib.

Qapıçı 2025/2026 mövsümünün ikinci hissəsini “Jirona”da icarə əsasında keçirib. Lakin zədə səbəbindən həmin müddətdə cəmi iki matçda iştirak edib.