OMM Redaksiyası
Azərbaycanın qadınlardan ibarət milli komandasının üzvü Milana Rəhimovanın çıxış etdiyi “Riga FC Women” Latviya Kubokunun qalibi olub. Riga təmsilçisi finalda “RFS Women”ə 3:0 hesabı ilə qalib gəlib.
Riqadakı “LNK Sporta Parks” stadionunda keçirilən qarşılaşmanın ilk hissəsində hesab açılmayıb. Fasilədən sonra “Riga” üstünlüyünü qollara çevirib: Şiori Kato 51-ci dəqiqədə hesabı açıb, Karen Boliva isə 56-cı dəqiqədə penaltini dəqiq yerinə yetirib. 75-ci dəqiqədə vurulan qol oyunun yekun nəticəsini müəyyənləşdirib.
Beləliklə, “Riga FC Women” Latviya Kubokunu ardıcıl ikinci dəfə qazanıb. Milana Rəhimova komandasının finala yüksəlməsində də iştirak edib.
Azərbaycanlı futbolçu sentyabrın 19-da “Metta” ilə keçirilən yarımfinal qarşılaşmasının 13-cü dəqiqəsində fərqlənib. Həmin görüş “Riga”nın 3:0 hesablı qələbəsi ilə başa çatıb.
