OMM Redaksiyası
“Sabah” və Dortmund “Borussiya”sı arasında UEFA Çempionlar Liqasının Liqa mərhələsinin III turunun oyununu İspaniyadan olan hakimlər briqadası idarə edəcək.
Baş hakim FIFA referisi Xavyer Alberola Roxas olacaq. Ona Alfredo Rodriges Moreno və Karlos Alvares Fernandes kömək edəcəklər. Dördüncü hakim funksiyasını Viktor Qarsiya Verdura yerinə yetirəcək.
VAR-da Sesar Soto Qrado, AVAR-da isə Valentin Qomes çalışacaq. Oktyabrın 20-də Bakı Olimpiya Stadionunda keçiriləcək görüş saat 20:45-də başlayacaq.
Xatırladaq ki, avqustun 29-da açıqlanan təqvimə əsasən, “Sabah” oktyabrın 20-də Bakıda Dortmund “Borussiya”sını qəbul edəcək.
