OMM Redaksiyası
İspaniya çempionatının 9-cu turunda “Betis” “Barselona”ya 2:5 hesabı ilə məğlub olub. Oktyabrın 17-də keçirilən görüşdə Lamin Yamal 10-cu dəqiqədə hesabı açıb, Qomes 27-ci dəqiqədə tarazlığı bərpa edib. Rodri 41-ci, Jezuş 51-ci dəqiqədə fərqlənib. Əzzalzuli 53-cü dəqiqədə hesabı 2:3-ə çatdırıb, Qarsiya 62-ci, Olmo isə 81-ci dəqiqədə “Barselona”nın qollarını vurub.
“Betis”in baş məşqçisi Manuel Pelleqrini oyundan sonra hakim Rikardo de Burqos Benqoetxeyanın idarəçiliyini tənqid edib. O, qərarların görüşün gedişinə təsir göstərdiyini deyib. Pelleqrinin sözlərinə görə, komandasının ləğv edilən qol epizodunda Kuxo itələnib və əllə oyun olsa da, bu, qolun vurulmasına təsir etməyib. O, başqa epizodda “Barselona” futbolçusunun ayağının baş hündürlüyündə olmasına baxmayaraq qolun qeydə alındığını bildirib.
Pelleqrinin iradı
Baş məşqçi hesab edib ki, oyunun taleyini 54-cü dəqiqədəki qırmızı vərəqə həll edib. Onun iddiasına görə, Yamal rəqibini təxribata çəkib, “Betis”in yarımmüdafiəçisi Fakundo Bernal isə buna cavab verib. Pelleqrini hər iki futbolçunun meydandan qovulmamalı olduğunu deyib. O, Yamala vurduğu qola görə təbriklərini də çatdırıb.
Bernal həmin vaxt hesab 2:3 olarkən Yamal ilə mübahisə zamanı rəqibinə başı ilə zərbə endirdiyinə görə birbaşa qırmızı vərəqə alıb. Pelleqrinin fikirlərini AS nəşri yayıb.
