OMM Redaksiyası
“Bavariya” Almaniya Bundesliqasının VI turunda “RB Leypsiq”ə 6:1 hesabı ilə qalib gəlib. Oktyabrın 17-də Münhen Arenasında keçirilən görüşün baş hakimi Hamburqdan Tobias Ştiler olub.
Luis Dias 12-ci, 47-ci və 69-cu dəqiqələrdə fərqlənərək het-trik edib. Aleksandar Pavloviç 26-cı, Maykl Olise 34-cü, Harri Keyn isə 53-cü dəqiqədə qol vurub. “RB Leypsiq”in yeganə qolunu 90+1-ci dəqiqədə Maksimoviç vurub.
“İlk 60 dəqiqə çox yaxşı keçdi. Birinci hissədə daha çox qol vura bilərdik. İkinci hissəyə də çox inamlı başladıq. Son 30 dəqiqə pis deyildi, amma ilk 60 dəqiqə tamam başqa səviyyə idi. Luisoya görə çox şadam. O, buna həqiqətən layiq idi. Mövsümün əvvəlində bir neçə fürsəti əldən versə də, ötən mövsüm möhtəşəm nəticələr göstərmişdi. Bu gün əla oyun keçirdi və şübhəsiz, matçın ən yaxşısı idi”, – Kimmixin sözlərini Münhen klubunun rəsmi saytı yayıb.
