OMM Redaksiyası
“İnter Mayami” ABŞ-ın Major League Soccer çempionatında “Atlanta Yunayted”ə 3:1 hesabı ilə qalib gəlib. Lionel Messi görüşdə iki qol vurub.
Oktyabrın 18-də “Mercedes-Benz” stadionunda keçirilən matçda Herman Berterame 45-ci dəqiqədə hesabı açıb. Messi 56-cı və 60-cı dəqiqələrdə fərqlənərək qonaqların üstünlüyünü artırıb. “Atlanta Yunayted”dən Pico 89-cu dəqiqədə bir qolun əvəzini çıxıb.
“İnter Mayami”nin hücumçusu qələbədən sonra sosial şəbəkə hesabında stadionla bağlı xoş xatirələrini qeyd edib: “Bu stadionda ‘İnter Mayami’ ilə daha bir qələbə. Bura mənə çox yaxınlarda gözəl xatirələr bəxş etmişdi...”
Qonaqların heyətində Berterame də qol vurub, Luis Suares isə iki məhsuldar ötürmə ilə yadda qalıb. “Atlanta Yunayted” növbəti MLS matçında “Çikaqo Fayr”la qarşılaşacaq.
