OMM Redaksiyası
“İnter Mayami”nin argentinalı hücumçusu Lionel Messi gələn həftə müvəqqəti olaraq klubun düşərgəsini tərk edib İspaniyaya yollanacaq. ESPN-in məlumatına görə, futbolçu 2026-cı il Asturiya Şahzadəsi İdman Mükafatını qəbul edəcək.
Mükafat Messiyə iyun ayında təqdim olunub. Münsiflər heyəti onun idman karyerasını, eləcə də çətin həyat şəraitində olan uşaqların təhsil və tibbi xidmətə çıxışını təmin etməyə yönəlmiş xeyriyyə fəaliyyətini qeyd edib.
Mərasim oktyabrın 22-də keçiriləcək
Mükafatlandırma mərasimi oktyabrın 22-də, cümə axşamı, İspaniyanın Ovyedo şəhərində baş tutacaq.
“İnter Mayami” oktyabrın 24-də MLS-in müntəzəm çempionatında “Nyu-York Red Bulls”un qonağı olacaq. Klubun məşqçilər heyəti Messinin həmin oyuna qədər geri dönəcəyini və matçda iştirak edəcəyini gözləyir.
Asturiya Şahzadəsi Mükafatı ədəbiyyat, sosial elmlər, elmi-texniki tədqiqatlar, beynəlxalq əməkdaşlıq və idman kimi sahələrdə fərqlənən şəxslərə və təşkilatlara verilir.
