OMM Redaksiyası
Portuqaliyalı müğənni, “Avroviziya-2017”nin qalibi Salvador Sobral Kriştiano Ronaldunun ətrafında yaranan mübahisəyə münasibət bildirib. O, “Al-Nəsr”in hücumçusunun “yarımallah kompleksi” olduğunu söyləyib.
“Kriştiano Ronaldunun yarımallah kompleksi var, buna görə də belə şeyləri başa düşməkdə çətinlik çəkir. Kimin oynayıb-oynamayacağına məşqçi qərar verir”, – Sobral deyib.
Müğənni Ronaldunun keçmiş xidmətlərinin onun indiki oyun vəziyyəti ilə əlaqələndirilməsini də tənqid edib: “İnsanlar hər şeyi qarışdırıb deyirlər: ‘Bütün etdiklərindən sonra bu, nankorluqdur’. Kriştianonun keçmişdə etdiklərinin indi necə oynamağı bilməməsi, oynaya bilməməsi ilə nə əlaqəsi var?”
Sobralın sözlərini “O Jogo” yayıb. O, “The Guardian” qəzetinin dünya çempionatında Portuqaliyanın oyunu barədə “10 nəfər və bir heykəl” ifadəsini işlətdiyini xatırladaraq, “Elə də olmuşdu”, – deyib.
Xatırladaq ki, 41 yaşlı hücumçu baş məşqçi Jorje Jezuş UEFA Millətlər Liqasının Norveçə qarşı oyununda (2:1) onu meydana buraxmadıqdan sonra Portuqaliya millisinin düşərgəsini özbaşına tərk edib.
