OMM Redaksiyası
“Real Madrid” Kriştiano Ronaldunun Portuqaliya millisində karyerasını başa vurması ilə bağlı açıqlama verməyib. 41 yaşlı hücumçu cümə axşamı milli komandada çıxışını dayandırdığını elan edib.
Xəbər hazırlanarkən “Real Madrid” nə sosial şəbəkə hesablarında, nə də rəsmi saytında bu barədə paylaşım etmişdi. Ronaldunun çıxış etdiyi digər klublar — “Sportinq”, “Mançester Yunayted”, “Yuventus” və “Əl-Nəsr” — portuqaliyalı futbolçuya həsr olunan paylaşımlar yayımlayıblar.
Ronaldu “Real Madrid” tarixinin ən məhsuldar futbolçusudur. O, Madrid klubunun heyətində 438 oyuna çıxıb və 450 qol vurub.
Portuqaliya millisində 234 matç keçirən hücumçu 146 qol və 45 məhsuldar ötürmə ilə yadda qalıb. Ronaldu 2016-cı ildə Avropa çempionu, 2018/2019 və 2024/2025 mövsümlərində isə UEFA Millətlər Liqasının qalibi olub.
