OMM Redaksiyası
“Çelsi”nin müdafiəçisi Ris Ceyms dizindən əməliyyat olunub. Klub bu barədə hadisədən bir gün əvvəl rəsmi saytında məlumat yayıb.
TEAMtalk-ın xəbərinə görə, Ceymsin yeni zədəsindən sonra London təmsilçisi müdafiənin sağ cinahını gücləndirməyi planlaşdırır. Klub yanvar transfer pəncərəsində “Benfika”nın 18 yaşlı sağ cinah müdafiəçisi Daniel Banjaquini heyətinə qatmaq niyyətindədir.
Portuqaliya klubunun akademiyasının yetirməsi olan futbolçunun müqaviləsində 38 milyon funt sterlinq məbləğində sərbəstqalma bəndi var. Banjaqui bu mövsüm “Benfika”nın əsas komandasının oyunlarına daha tez-tez cəlb olunur.
Məlumata əsasən, gənc müdafiəçinin transferini “Arsenal” və “Liverpul” da izləyir. “Çelsi” Banjaquinin alınmasını gələcəyə investisiya kimi nəzərdən keçirir və bu qərarda Ceymsin davamlı zədələri də nəzərə alınır.
“Çelsi”nin kapitanı ötən mövsüm İngiltərə Premyer Liqasında 29 oyun keçirib. O, 2021/2022 mövsümündən bəri ilk dəfə çempionatda bir mövsümdə 20-dən çox matçda iştirak edib.
