OMM Redaksiyası
MotoGP üzrə dünya çempionatının Yaponiya Qran-prisində “Ducati Lenovo” komandasının ispaniyalı pilotu Mark Markes qalib gəlib. O, bu mövsüm altıncı mərhələ qələbəsini qazanıb.
Çempionatın 16-cı yarışı Yaponiyanın Toçigi prefekturasındakı 4,8 kilometrlik Motegi trekində 24 dövrə üzrə keçirilib. Markes finiş xəttini 41 dəqiqə 31,467 saniyəyə keçərək rəqiblərini qabaqlayıb.
“Aprilia” komandasının ispaniyalı pilotu Xorxe Martin qalibdən 1,363 saniyə geri qalaraq ikinci yeri tutub. Onun komanda yoldaşı, italiyalı Marko Bezzekki isə 2,252 saniyə fərqlə üçüncü olub. “Prima Pramac Yamaha”nın türkiyəli pilotu Toprak Razqatlıoğlu yarışı 17-ci sırada başa vurub.
Mövsümün 17-ci mərhələsi olan İndoneziya Qran-prisi oktyabrın 11-də keçiriləcək. Pilotların ümumi sıralamasında Martin 333 xalla liderdir. Markes 331 xalla ikinci, Bezzekki isə 284 xalla üçüncü pillədə qərarlaşıb. İlk beşliyi 243 xalla Pedro Akosta və 237 xalla Ai Oqura tamamlayır. Toprak Razqatlıoğlu 18 xalla 21-ci yerdədir.
