“Mançester Yunayted” Poçettino ilə əsas şərtləri razılaşdırıb

“Mançester Yunayted” argentinalı Maurisio Poçettino ilə komandanın baş məşqçisi vəzifəsinə təyin olunmasının əsas şərtlərini şifahi şəkildə razılaşdırıb. Bu barədə insayder Fabrizio Romano X sosial şəbəkəsində məlumat verib.

Romanonun bildirdiyinə görə, hazırda ABŞ Futbol Federasiyası ilə danışıqlar aparılır. “Mançester Yunayted” Poçettinonun müqaviləsindəki 10 milyon dollarlıq satınalma bəndindən istifadə etmək istəyir. Bundan sonra rəsmi addımların atılması gözlənilir.

Daha əvvəl klub rəhbərliyinin Monakoda görüş keçirməyi planlaşdırdığı bildirilmişdi. Görüşün noyabrın 11-i, çərşənbə günü baş tutacağı və media məlumatlarına əsasən, “Mançester Yunayted”in hazırkı baş məşqçisi Maykl Kerrikin taleyinin müzakirə ediləcəyi qeyd olunmuşdu.