OMM Redaksiyası
PSJ-nin qapıçısı Luka Şevalye qış transfer pəncərəsində klubdan ayrılmağı planlaşdırır. L’Équipe-in məlumatına görə, 24 yaşlı futbolçu müntəzəm oyun təcrübəsi qazanmaq və karyerasını yenidən başlamaq üçün komandasını dəyişmək istəyir.
Qapıçıya yaxın mənbə bildirib ki, Şevalye səbirli davranmağa və məşqlərdə səylə çalışmağa davam edir. Mənbənin sözlərinə görə, hazırkı vəziyyət dəyişməyib, lakin futbolçunun məqsədi mövqeyini dəyişmək üçün işləməkdir. O, gündəlik məşqlərdə bunun üçün əlindən gələni edir.
Şevalye cari mövsümdə cəmi 45 dəqiqə meydanda olub. O, “Mayorka” ilə yoldaşlıq görüşündə əvəzlənərək oyuna daxil olub. PSJ-nin əsas qapıçısı isə Rusiya millisinin üzvü Matvey Safonovdur.
Şevalye Fransa millisinin heyətinə qayıtmağı da hədəfləyir. KİV-in məlumatına əsasən, qapıçı hazırda yığmanın qapıçılar iyerarxiyasında 6-7-ci yerlərdə qərarlaşır. Buna görə də oyun vaxtının artırılması onun komanda dəyişmək niyyətinin əsas səbəblərindən biridir.
