OMM Redaksiyası
PSJ və Fransa millisinin hücumçusu Usman Dembele “Qızıl top” mükafatına namizədliyi ilə bağlı fikirlərini bölüşüb. O, səsvermədə iştirak edənləri özünə səs verməyə inandırmaq üçün arqumentlər irəli sürmək niyyətində olmadığını bildirib.
“France Football” nəşrinin münsiflər heyətini ona səs verməyə razı salmaq üçün hansı dəlilləri gətirə biləcəyi barədə suala Dembele belə cavab verib: “Heç bir arqumentim yoxdur. Mən bunu heç vaxt etməmişəm. Özümə xəyanət etmirəm. Qərarı onlar verirlər, amma mən özümə xəyanət etmirəm”. Futbolçunun sözlərini “L’Équipe” yayıb.
Dembelenin fikrincə, fərdi mükafat uğrunda özünü reklam etmək onun seçdiyi yol deyil. O, qalibin müəyyənləşdirilməsini münsiflər heyətinin qərarı kimi dəyərləndirib və bu prosesə təsir göstərməyə çalışmayacağını vurğulayıb.
“Qızıl top” uğrunda ümumilikdə 30 futbolçu namizəd göstərilib. Mükafatın qalibi oktyabrın 26-da Londonda keçiriləcək xüsusi mərasimdə elan olunacaq.
