PSJ və “Arsenal” Erlinq Haalandı transfer etmək istəyir

Fransanın “PSJ” və İngiltərənin “Arsenal” klubları “Mançester Siti”nin hücumçusu Erlinq Haalandı transfer etməkdə maraqlıdır. Bu barədə “The Touchline”ın “X” sosial şəbəkəsindəki hesabı məlumat yayıb.

26 yaşlı norveçli futbolçu ilə daha əvvəl İspaniyanın “Real Madrid” və “Barselona” klublarının da maraqlandığı bildirilmişdi. Bu klubların fəallığı “Mançester Siti”nin İngiltərə Premyer Liqasının maliyyə qaydalarını pozmaqda təqsirli bilinməsi ilə əlaqələndirilir.

Klub mümkün sanksiyalar, o cümlədən çempionatdan kənarlaşdırılma ilə üzləşə bilər. Bu hal komandanın aparıcı futbolçularının ayrılmasına səbəb ola bilər.

Sentyabrın 29-da müstəqil komissiya “Mançester Siti”ni ittihamların 115 bəndindən 114-ü üzrə təqsirli bilib. Komandanın apellyasiya şikayəti vermək üçün oktyabrın 2-dək vaxtı var.

“Mançester Siti” cari mövsümdə Premyer Liqada keçirdiyi beş oyunun hamısında qələbə qazanıb və 15 xalla turnir cədvəlinə başçılıq edir. Haaland isə beş qol vuraraq çempionatın bombardirlər yarışında liderdir.