“Brayton” Premyer Liqanın ilk 7 turunda 23 qol vurub

“Brayton” oktyabrın 18-də İngiltərə Premyer Liqasının 7-ci turunda doğma meydanda “Kristal Pəlas”ı qəbul edib və rəqibini 5:0 hesabı ilə məğlub edib.

Bu nəticədən sonra “Brayton”un mövsümün ilk 7 turunda vurduğu qolların sayı 23-ə çatıb. Komanda cari liqada bu göstərici üzrə liderdir. İkinci yerdə 19 qolla “Mançester Siti” qərarlaşıb.

Sky Sports-un məlumatına görə, Premyer Liqa tarixində ilk 7 turda bundan çox qol vuran cəmi üç komanda olub: “Mançester Siti” 2019/20 mövsümündə 27, “Mançester Yunayted” 2011/12 mövsümündə 24, “Arsenal” isə 2009/10 mövsümündə 24 qol vurub.