OMM Redaksiyası
“Mançester Siti”nin və İtaliya millisinin qapıçısı Canluici Donnarumma Parisə qayıdaraq UEFA Millətlər Liqasının üçüncü turunda Fransa ilə keçirilən oyunda iştirak edib. “Stad de Frans” stadionunda baş tutan qarşılaşma 1:1 hesabı ilə başa çatıb.
Donnarumma oyunsonrası açıqlamasında Parisə qayıtmağın onun üçün xoş olduğunu deyib. “Bu, mənim üçün xüsusi oyun idi. Çoxlu köhnə dostumu görmək gözəl oldu. Çox güclü oyun keçirdik. ‘Stad de Frans’da oynamaq həmişə xoşdur, bu axşam da burada əla atmosfer var idi”, – qapıçı UEFA-nın rəsmi saytına bildirib.
Fransa millisinin heyətində Maykl Olise 55-ci dəqiqədə hesabı açıb. İtaliya 68-ci dəqiqədə Alessandro Bastoninin qolu ilə tarazlığı bərpa edib. Fransa yığmasının müdafiəçisi Dayo Upamekano 85-ci dəqiqədə meydandan qovulub.
Donnarumma 2021–2025-ci illərdə PSJ-də çıxış edib. Bu müddətdə italiyalı qapıçı klubun heyətində 161 oyuna çıxıb, 156 qol buraxıb və 53 matçda qapısını toxunulmaz saxlayıb.
