OMM Redaksiyası
Türkiyə Futbol Federasiyası Arda Turanın ölkə millisinin baş məşqçisi vəzifəsinə təyin olunması variantını nəzərdən keçirir. Bu barədə jurnalist və insayder Nikolo Şira “X” sosial şəbəkəsində məlumat yayıb.
Şiranın bildirdiyinə görə, hazırda Ukraynanın “Şaxtyor” klubunu çalışdıran Turanın Türkiyə millisinə rəhbər təyin edilməsi yüksək ehtimallıdır. NTV Spor isə mütəxəssisin eyni vaxtda həm klubda, həm də milli komandada işləyə biləcəyini yazıb.
Türkiyə millisinin italiyalı baş məşqçisi Vinçenso Montella oktyabrın 9-da vəzifəsindən göndərilib. Federasiyanın Turanın mümkün təyinatı ilə bağlı rəsmi qərarı açıqlanmayıb.
Arda Turan 2025-ci ildən “Şaxtyor”a rəhbərlik edir. Onun baş məşqçiliyi altında klub ötən mövsüm Ukrayna çempionu olub. Turan Türkiyə millisinin heyətində 100 oyun keçirib, 16 qol vurub və 25 məhsuldar ötürmə edib. O, yığmada kapitan sarğısını da daşıyıb.
