Kompani Camal Musialanın zədələri barədə danışdı

“Bavariya”nın baş məşqçisi Vensan Kompani komandanın yarımmüdafiəçisi Camal Musialanın zədələrlə bağlı vəziyyətinə münasibət bildirib. Almaniya millisinin futbolçusu əvvəlki beynəlxalq fasilə zamanı əzələ zədəsi səbəbindən yığmanın düşərgəsini vaxtından əvvəl tərk etmişdi.

Kompani Musialanın yaşadığı çətinliyi anladığını və karyerası ərzində özü də oxşar vəziyyətlərlə tez-tez üzləşdiyini söyləyib. Onun sözlərinə görə, çətinliklərin öhdəsindən gəlmək böyük güc tələb edir. “Bavariya”nın çalışdırıcısı futbolçunun qarşıdakı illərdə zədəsiz və problemsiz oynaya biləcəyinə ümid etdiyini vurğulayıb.

Belçikalı mütəxəssis zədədən sonra güclü dönüşün futbolçunun yaddaşında ömürlük qaldığını qeyd edib. O, komandanın Musialanın qollarına hər zaman sevindiyini və yarımmüdafiəçinin bundan sonra da qol vurmağa davam edəcəyinə şübhə etmədiyini bildirib.