Premyer Liqa təmsilçisi “Liverpul” qış transfer pəncərəsinin sonuna yaxın “Qalatasaray”ın 28 yaşlı macar futbolçusu Roland Sallaini alternativ hədəflər siyahısına daxil edib.
"Operativ Məlumat Mərkəzi-OMM" xarici KİV-ə istinadən xəbər verir ki, mersisaydlıların əsas maraq dairəsində olan futbolçu “Sanderlend”in sağ cinah müdafiəçisi Lutşarel Geertruidadır.
Lakin Geertruidanın klubuyla razılıq əldə olunmasa, Sallai ehtiyat variantlardan biri kimi nəzərdən keçirilir.
Macarıstan millisinin üzvü olan Sallai yığmada 64 oyunda 15 qol vurub. Onun “Qalatasaray”la müqaviləsi 2028-ci ilin iyununa qədər qüvvədədir.
“Transfermarkt” portalına əsasən, futbolçunun bazar dəyəri 10 milyon avrodur.
Cari 2025/26 mövsümündə Türkiyə Super Liqasında 17 oyunda meydana çıxan Roland Sallai 1 qol və 4 məhsuldar ötürmə ilə yadda qalıb.
