“Liverpul” “Mançester Yunayted”in transfer hədəfini ələ keçirə bilər

“Mançester Yunayted” “Everton”un mərkəz müdafiəçisi Cered Brentveytə marağını davam etdirir. Mançester klubu bir neçə il əvvəl futbolçu üçün təklif göndərsə də, “Everton” bunu qəbul etməyib. Bu barədə Football Insider məlumat yayıb.

Football Insider-in məlumatına görə, “Liverpul” da 24 yaşlı müdafiəçinin çıxışını izləyir. Mersisayd klubu Brentveytin oyununu bəyənir və gələn il onu transfer etmək üçün cəhd göstərə bilər.

“Everton” futbolçunun transfer qiymətini 80 milyon funt sterlinq (96 milyon avro) müəyyənləşdirib. Transfermarkt portalının məlumatına əsasən, Brentveytin bazar dəyəri 45 milyon avrodur.

Brentveyt bu mövsüm bütün turnirlərdə yeddi matçda iştirak edib. Onun klubla mövcud müqaviləsi 2030-cu ilin yayına qədər qüvvədədir.