OMM Redaksiyası
“LANDAU Lions”ın baş məşqçisi Erhan Toker Azərbaycan Basketbol Liqasının ilk turunda “Sabah”a 74:84 hesabı ilə məğlubiyyəti şərh edib.
Mütəxəssis yerli basketbolçuların çıxışının, müdafiədəki çatışmazlıqların və heyətdəki itkilərin komandanın oyununa təsir göstərdiyini deyib. O, Ercan Donatın kömək etməyə çalışdığını, ilk hissədə Nicat Məmmədlinin də müəyyən töhfə verdiyini bildirib. Toker İsmayıl Abdullayevin isə gözləntiləri doğrultmadığını vurğulayıb.
Baş məşqçinin sözlərinə görə, “Sabah” daha sərt oyun nümayiş etdirib və “LANDAU Lions” rəqibin üslubuna lazımi cavabı verə bilməyib. O, komandasının mübarizəsindən razı qaldığını və oyundakı səhvləri təhlil edəcəklərini qeyd edib.
Toker Arnas Sakenisin zədəsinin görüşə təsir etdiyini, Edvarts Polaytsın isə tam hazır olmadığı üçün əlavə yük daşımalı olduğunu söyləyib.
“LANDAU Lions” növbəti matçını FİBA Avropa Kubokunun qrup mərhələsində “Geneva Lions”a qarşı keçirəcək. Bu görüş komandanın turnirdə mövsüm üzrə ilk oyunu olacaq.
