OMM Redaksiyası
Portuqaliya millisinin hücumçusu Kriştiano Ronaldu komandanın məşqini yarımçıq tərk edib. Bu barədə “A Bola” məlumat yayıb.
Hadisə baş məşqçi Jorje Jezuşun mətbuat konfransında Ronaldu ilə arasında münaqişə olmadığını bildirməsindən sonra baş verib. Məlumata görə, futbolçu stadiondan ayrılaraq Portuqaliya Futbol Federasiyasının iki əməkdaşının müşayiəti ilə mikroavtobusa yollanıb.
Portuqaliya millisi UEFA Millətlər Liqasının A Liqasının 4-cü qrupunda iki oyun keçirib. Ronaldu Uelslə matçda 67 dəqiqə meydanda olub, lakin məhsuldar hərəkətlərlə yadda qalmayıb. Portuqaliya həmin görüşdə 1:0 hesabı ilə qalib gəlib. Futbolçu Norveçlə 2:1 hesabı ilə başa çatan qarşılaşmada isə iştirak etməyib.
Portuqaliya millisi Millətlər Liqasının qrup mərhələsinin üçüncü turunda oktyabrın 1-də Danimarka ilə qarşılaşacaq. Kopenhagen şəhərindəki “Parken” stadionunda keçiriləcək görüş Bakı vaxtı ilə saat 23:45-də başlayacaq.
