OMM Redaksiyası
“Atletiko Madrid”in yarımmüdafiəçisi Koke klubun əsas komandasında 750-ci rəsmi matçını keçirib. 34 yaşlı futbolçu bu göstəriciyə çatan ilk “Atletiko Madrid” oyunçusu olub.
Koke İspaniya futbolu tarixində bir klubun heyətində 750 və daha çox oyun keçirən üçüncü futbolçudur. Bu həddə daha əvvəl yalnız “Barselona”nın sabiq oyunçuları Lionel Messi (778 matç) və Xavi (767 matç) çatıblar.
“Atletiko Madrid”in yetirməsi olan Koke 2009-cu ildən əsas komandada çıxış edir. Yarımmüdafiəçi Madrid təmsilçisinin heyətində iki dəfə İspaniya çempionu olub və iki dəfə Avropa Liqasını qazanıb.
