Əsas məzmuna keç

Kənan Nəsibov Zaqreb Qran-prisində qızıl medal qazandı

Kənan Nəsibov Zaqreb Qran-prisində qızıl medal qazandı
— Foto: idman.biz

Azərbaycan cüdoçusu +100 kq çəki dərəcəsində turnirin qalibi olub. Nəsibovun ən böyük hədəfi dünya və Olimpiya çempionu olmaqdır.

en ru

Xorvatiyada keçirilən Zaqreb Qran-prisində cüdoçusu Kənan Nəsibov qızıl medal qazanıb. +100 kq çəki dərəcəsində mübarizə aparan idmançı finalda Almaniya təmsilçisi Losseni Koneni məğlub edib.

Nəsibov Report.az-a açıqlamasında yarışa çempion olmaq məqsədilə gəldiyini və istəyinə çatdığını bildirib. Onun sözlərinə görə, son 2-3 ildə ağır çəkidə rəqabət artıb, dünya reytinqində Azərbaycanın üç cüdoçusu ilk “20-lik”də qərarlaşıb.

“Təəssüratlarım əladır. Karyeramla bağlı ən böyük hədəfim dünya və Olimpiya çempionu olmaqdır”, - deyə cüdoçu vurğulayıb.

Nəsibov 2026-cı ilin onun üçün yaddaqalan və uğurlu keçdiyini söyləyib. O, Daşkənddəki “Böyük Dəbilqə”də və U-23 Avropa çempionatında qızıl medal qazandığını, Bakıda böyüklər arasında keçirilən dünya çempionatında isə üçüncü yeri tutduğunu qeyd edib.

Cüdoçu ağır çəkidə bu nailiyyətləri Azərbaycanda daha əvvəl heç kimin əldə etmədiyini bildirib. O, ailəsinə, məşqçilər heyətinə və Azərbaycan Cüdo Federasiyasına təşəkkür edib.

OMM Bot · Bu gün ən çox oxunan 5 xəbəri göstərim?

Müəllif

Redaksiya heyəti

Bütün yazıları ›
Növbəti xəbər yüklənir…