“Qarabağ”ın sabiq yarımmüdafiəçisi Yassin Benziya karyerasını Tailandda davam etdirəcək. Əlcəzairli futbolçu “Buriram Yunayted”lə müqavilə razılığına gəlib.
Benziya mövsümün sonunadək Tailand klubunun formasını geyinəcək. Futbolçuya Misli Premyer Liqasında çıxış edən bəzi klublardan təklif gəlsə də, o, Azərbaycana qayıtmaq əvəzinə Tailand variantını seçib.
Yassin Benziya 2023-2025-ci illərdə “Qarabağ”ın şərəfini qoruyub. İndi yarımmüdafiəçi mövsümün sonunadək “Buriram Yunayted”də çıxış edəcək.