OMM Redaksiyası
Türkiyənin İstanbul şəhərində, TEM magistral yolunun "O-3 Hal-Otogar" yol ayrımında ciddi yol-nəqliyyat hadisəsi qeydə alınıb.
“Operativ Məlumat Mərkəzi-OMM” “TRT Haber”ə istinadən xəbər verir ki, avtobus Edirne istiqamətində hərəkətdə olarkən idarəetməni itirərək yol kənarındakı maneələrə çırpılıb və nəticədə aşıb.
Qəza barədə məlumat daxil olan kimi əraziyə dərhal təcili tibbi yardım, yanğınsöndürmə və polis qüvvələri cəlb olunub.
Hadisə nəticəsində nəqliyyat vasitəsində olan 12 sərnişin müxtəlif dərəcəli bədən xəsarətləri alıb.
Avtobusda sıxılıb qalan yaralılar xilasedicilərin və vətəndaşların köməyi ilə çıxarılaraq təcili tibbi yardım maşınları ilə yaxınlıqdakı xəstəxanalara çatdırılıblar.
