İsrail hərbi hava qüvvələrinin endirdiyi zərbələr nəticəsində Qəzza zolağında 50 mindən çox bina tamamilə dağılıb.
"Operativ Məlumat Mərkəzi-OMM" xəbər verir ki, bu barədə Maan agentliyi Fələstin anklavının hökumətinə istinadən məlumat yayıb.
"İsrail ordusunun bombardmanları və hava hücumları 50 mindən çox yaşayış binasının tamamilə dağıdılmasına və 250 minə yaxın yaşayış binasının qismən sökülməsinə səbəb olub”.
Aİ-nin xarici siyasət xidmətinin rəhbəri Josep Borrell bildirib ki, Qəzza zolağında yaşayış binalarının 40%-dən çoxu dağıdılıb, 12 mindən çox mülki şəxs və 5 min uşaq həlak olub. O, bölgədəki vəziyyəti “fəlakətli” adlandırıb, həmçinin su, qida, dərman və enerji çatışmazlığına işarə edib.
