Fransa prezidenti Emmanuel Makron İsrail hökumətinin bu gün Qəzza zolağında etdiklərinin qəbuledilməz və biabırçı olduğunu bildirib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Makron qonaq olduğu Fransanın TF1 kanalında milli və beynəlxalq mövzularla bağlı sualları cavablandırıb.
O, Qəzzada humanitar faciənin yaşandığını və bunun qəbuledilməz olduğunu bildirib :
"Bu faciədir və dəhşətlidir. İsrail hökumətinin bu gün etdikləri qəbuledilməzdir. Bu, utancvericidir".
Makron İsrailin ABŞ silahlarından asılı olduğunu bildirib və regiondakı vəziyyətlə bağlı səlahiyyət sahibinin ABŞ prezidenti Donald Tramp olduğunu müdafiə edib.
