Afət Ziyadqızı
İranın sərt xətt üzrə mövqeyi ilə tanınan millət vəkili bölgədəki ərəb ölkələrinə sərt xəbərdarlıq edib.
"Operativ Məlumat Mərkəzi-OMM" xəbər verir ki, İran parlamentinin milli təhlükəsizlik və xarici siyasət komitəsinin üzvü Mahmud Nəbavian İslam Respublikası tərəfdarlarının mitinqində çıxış edərək region ölkələrini hədəf alıb.
O bildirib ki, regional hökumətlər öz ərazilərində yerləşən hərbi bazaların İrana qarşı istifadəsinə imkan verməməlidirlər.
Nəbavian çıxışında sərt ifadələr işlədərək deyib: “Əgər böyük liderlərimizə qarşı hər hansı bir hücum həyata keçirilərsə, ərəb ölkələrinin krallarından heç biri və ya onların bölgədəki sarayları təhlükəsiz qalmayacaq və hamısı cəhənnəmə göndəriləcək”.
Qeyd edək ki, açıqlama bölgədə gərginliyin artdığı bir dövrdə səsləndirilib və beynəlxalq ictimaiyyət tərəfindən diqqətlə izlənilir.
