Afət Ziyadqızı
İranın 8 sentyabrı 9 sentyabra bağlayan gecə İordaniyada yerləşən ABŞ-nin Muvaffak Salti aviabazasına ballistik raketlərlə hücumu zamanı ABŞ-yə məxsus təxminən 8 “F-15” qırıcısı zədələnib.
“Operativ Məlumat Mərkəzi-OMM” xəbər verir ki, CBS News-in mövzuya yaxın mənbələrə istinadən yaydığı məlumata görə, təyyarələrə dəyən zərər böyük olmasa da, onlar texniki xidmətə göndərilməli olub.
Mənbələr “Warthog” kimi tanınan bir “A-10 Thunderbolt” hücum təyyarəsinin də qanadının qırıldığını bildiriblər. Hadisə zamanı ABŞ hərbçiləri arasında ölən şəxsin olmadığı qeyd olunub.
