OMM Redaksiyası
"Ötən gün axşam saatlarında Rusiya qoşunları Kiyevin mülki infrastrukturuna beş ballistik raket atıb, lakin Ukraynanın tərəfdaş ölkələrindən bu hücumlarla bağlı əvvəlcədən xəbərdarlıq daxil olmayıb".
“Operativ Məlumat Mərkəzi-OMM” xəbər verir ki, bu sözləri Ukrayna Prezidenti Volodimir Zelenski deyib
"Rusiya ballistik raketlərinin buraxılması ilə bağlı kəşfiyyat məlumatları insanların həyatını xilas etməyə kömək edir və bu, ən kritik məsələlərdən biridir. Ballistik raket hücumu barədə xəbərdarlıq olduqda, bu, insanların öldürülməsinin qarşısını almağa kömək edir", - Zelenski qeyd edib.
O həmçinin qeyd edib ki, ABŞ Prezidenti Donald Trampın oktyabrın 11-də enerji atəşkəsinin dayandırıldığını elan etməsindən sonra Ukrayna Rusiyanın neft emalı zavodlarına və enerji infrastrukturuna zərbələr endirməyib.
Bununla yanaşı, Ukrayna Prezidenti Rusiyanın Ukraynanın enerji obyektlərinə hücumlarını davam etdirdiyinə diqqət çəkib.
"Bizim mövqeyimiz dəyişməz olaraq qalır. Ukrayna gərginliyin azaldılması istiqamətində qarşılıqlı addımlar atmağa hazırdır. Lakin bunun üçün Rusiyaya effektiv təzyiq göstərilməlidir. Müharibələr təcavüzkar münaqişəni uzatmaq imkanının artıq qalmadığını anladıqda başa çatır", - o əlavə edib.
Zelenski həmçinin gecə saatlarında Rusiyanın endirdiyi zərbələr nəticəsində yaşayış binasının dağıldığını, dörd nəfərin öldüyünü, 41 nəfərin isə yaralandığını bildirib.
