Afət Ziyadqızı
İranda internet kəsintisinin 54 gündən çox davam etdiyi bildirilir
"Operativ Məlumat Mərkəzi-OMM" "NetBlocks"a istinadən xəbər verir ki, İranda internet faktiki olaraq 54 gündən artıqdır ki, məhdudlaşdırılıb.
Bildirilib ki, X platformasının məlumatına əsasən, ölkədə internet kəsintisi artıq 55 gündür davam edir və 1296 saatdan sonra bağlantı normal səviyyənin cəmi 2 faizi həddində qalıb. Qeyd olunub ki, bu göstərici dünyada indiyədək qeydə alınan ən uzunmüddətli ölkəmiqyaslı internet kəsintisi hesab olunur.
Məlumata görə, ABŞ və İsrail 28 fevralda İrana qarşı hərbi əməliyyatlara başlayıb. Aprelin 7-də ABŞ Prezidenti Donald Tramp İslam Respublikası ilə iki həftəlik atəşkəs elan edib.
İran tərəfinin məlumatına əsasən, 40 günlük müharibə ərzində 3375 iranlı həlak olub. Aprelin 11-də Tehran və Vaşinqton İslamabadda danışıqlar aparsa da, tərəflər uzunmüddətli razılaşma ilə bağlı razılığa gələ bilməyiblər.
Qeyd edək ki, aprelin 21-də ABŞ Prezidenti atəşkəsin uzadılması niyyətini açıqlayıb, İran isə bu təşəbbüsü tanımadığını və öz maraqlarına uyğun hərəkət edəcəyini bildirib.
