Afət Ziyadqızı
Pakistanın yüksək vəzifəli məmuruna istinadən yayılan məlumata görə, İran və ABŞ arasında vasitəçilik səyləri davam edir.
"Operativ Məlumat Mərkəzi-OMM"xəbər verir ki, bu barədə "Əl-Ərəbiyyə" məlumat yayıb.
Məlumata əsasən, rəsmi şəxs iki ölkə arasında mövcud fikir ayrılıqlarının azaldılması məqsədilə aparılan məsləhətləşmələrin hələ də davam etdiyini bildirib. O vurğulayıb ki, tərəflər arasında diplomatik kanallar vasitəsilə əlaqələr saxlanılır və gərginliyin yumşaldılması üçün səylər dayandırılmayıb.
Qeyd edək ki, son dövrlərdə Pakistanın ABŞ və İran arasında vasitəçi rolunu gücləndirdiyi və dialoqun bərpası üçün müxtəlif diplomatik təşəbbüslər həyata keçirdiyi barədə məlumatlar da yayılıb.
