Asiyanın çip istehsalçıları Yaxın Şərqdə artan gərginlik fonunda tədarük zəncirində yarana biləcək problemlərlə bağlı narahatlıq keçirirlər.
“Operativ Məlumat Mərkəzi-OMM”xəbər verir ki, bu barədə “Bloomberg” məlumat yayıb.
Məlumata görə, "Taiwan Semiconductor Manufacturing Company" və "Samsung Electronics" də daxil olmaqla bir sıra iri şirkətlər Hörmüz boğazının bağlanması ehtimalının neft və digər vacib məhsulların daşınmasına ciddi təsir göstərə biləcəyini bildiriblər.
Hesabatda qeyd olunur ki, şirkətlər Yaxın Şərqdə münaqişənin uzun müddət davam edəcəyi halda mümkün itkilərin qarşısını almaq üçün ehtiyat tədbirləri və alternativ planlar hazırlayırlar.
Bildirilir ki, Hörmüz boğazı dünya üzrə enerji daşımalarının ən vacib marşrutlarından biri hesab olunur və burada yaranacaq hər hansı fasilə qlobal sənaye üçün ciddi nəticələr doğura bilər.
Şirkətlərin əsasən enerji təchizatı, xammal daşımaları və istehsal proseslərinin davamlılığı ilə bağlı riskləri qiymətləndirdiyi vurğulanır.
