HƏMAS hərəkatı ABŞ prezidenti Donald Trampı Vaşinqtonun Qəzza zolağına nəzarəti bərqərar etməsi və anklavda yaşayan fələstinlilərin ərəb ölkələrinə köçürülməsi ilə bağlı “məsuliyyətsiz” bəyanatlarından əl çəkməyə çağırıb.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
“Biz Amerika administrasiyası və prezident Trampı beynəlxalq normalara zidd olan və Fələstin xalqının öz torpaqlarına olan təbii hüquqlarını pozan məsuliyyətsiz bəyanatlarından əl çəkməyə çağırırıq”.
HƏMAS həmçinin Birləşmiş Millətlər Təşkilatını (BMT), Ərəb Liqasını (LAS) və İslam Əməkdaşlıq Təşkilatını (İƏT) bu təhlükəli bəyanatları həll etmək üçün təcili toplantılar keçirməyə və Fələstin xalqının milli hüquqlarını qoruyacaq möhkəm və tarixi mövqe tutmağa çağırıb.
