Afət Ziyadqızı
Səkkiz ərəb və İslam ölkəsinin xarici işlər nazirləri İsrailin Qəzza zolağı və İordan çayının qərb sahilində həyata keçirdiyi hərbi əməliyyatları pisləyiblər.
“Operativ Məlumat Mərkəzi-OMM” xəbər verir ki, bu barədə Tehranda keçirilən görüş zamanı müzakirələr aparılıb.
Məlumata görə, görüşdə iştirak edən nazirlər regionda gərginliyin dərhal dayandırılmasının vacibliyini vurğulayıblar. Tərəflər davam edən hərbi əməliyyatların vəziyyəti daha da ağırlaşdırdığını bildiriblər.
Bəyanatda qeyd olunub ki, mövcud böhranın həlli üçün Birləşmiş Millətlər Təşkilatının Təhlükəsizlik Şurası daha qətiyyətli addımlar atmalıdır.
Görüş iştirakçıları beynəlxalq qurumu İsraili üzərinə götürdüyü öhdəliklərə əməl etməyə və hərbi əməliyyatları dayandırmağa məcbur etməyə çağırıblar.
