OMM Redaksiyası
“Barselona”nın baş məşqçisi Hans-Diter Flik Çempionlar Liqasının ümumi mərhələsinin 4-cü turunda “Aston Villa” ilə keçiriləcək oyun ərəfəsində rəqib komandanın çalışdırıcısı Unai Emerinin işindən danışıb.
“O, Avropanın ən yaxşı məşqçilərindən biridir, bəlkə də dünyanın. Böyük uğurlar qazanıb. Komandası həm müdafiədə, həm də hücumda aydın struktura uyğun oynayır. Onun komandasında hər şey çox aydındır”, – Flik Marca-ya açıqlamasında deyib.
Almaniyalı mütəxəssis “Aston Villa”nın topla davranışına və özünəinamına da diqqət çəkib. “Onun komandası kimi bir kollektivin topla bu qədər inamlı davranmasını görmək inanılmazdır. Yaxşı komandaya və yaxşı məşqçiyə qarşı çətin oyun olacaq”, – Flik bildirib.
“Barselona” – “Aston Villa” matçı noyabrın 3-də keçiriləcək. Qarşılaşma Bakı vaxtı ilə noyabrın 4-də saat 00:00-da başlayacaq.
