OMM Redaksiyası
“Real Madrid” “Brayton”un qapıçısı Bart Verbrüggeni qapıçı mövqeyini gücləndirmək üçün əsas hədəf hesab edir. Football Insider-in məlumatına görə, klub onu Tibo Kurtuanın uzunmüddətli əvəzedicisi kimi nəzərdən keçirir. Kurtuanın müqaviləsi 2026/2027 mövsümünün sonunda başa çatır.
Mənbənin məlumatına əsasən, 24 yaşlı niderlandlı qapıçı belə bir imkan yaranacağı təqdirdə Madridə keçməyə qarşı deyil.
Verbrüggen cari mövsümdə İngiltərə Premyer Liqasında keçirdiyi doqquz oyunun altısında qapısını toxunulmaz saxlayıb. Bu göstərici ilə o, çempionatda ilk yeri bölüşür. Ötən mövsüm qapıçının qarşısı aldığı qolların sayına görə liqada üçüncü olub. O, yayda Niderland millisinin heyətində dünya çempionatında da çıxış edib.
Verbrüggennin “Brayton”la müqaviləsi 2028-ci ilin yayında başa çatır. Bu səbəbdən klub qarşıdakı yay futbolçunu satmaq və ya ona yeni müqavilə təklif etmək arasında seçim etməli olacaq. “Brayton” top-klubların marağına artıq öyrəşib və vəziyyətə sakit, ölçülüb-biçilmiş şəkildə yanaşacağı gözlənilir.
