Əsas məzmuna keç

Deputat Vasif Qafarov: “Güclü dövlətin əsasında güclü gənclik dayanır”

Deputat Vasif Qafarov: “Güclü dövlətin əsasında güclü gənclik dayanır”

Milli Məclis üzvü Heydər Əliyevin təməlini qoyduğu 2 Fevral Gənclər Günü, İlham Əliyevin islahatları və Vətən müharibəsindəki zəfərin əsas amillərini açıqladı.

en ru

Hazırlanır…

Xülasəni süni intellekt bu xəbərin öz mətnindən yazıb.

İndi alınmadı. Bir az sonra yenə yoxlayın.

"2 Fevral – Gəncləri Günü ölkəmizin ictimai-siyasi həyatında xüsusi əhəmiyyətə malik tarixlərdən biridir. Bu əlamətdar gün Ümummilli Lider Heydər Əliyevin 1 fevral 1997-ci il tarixli Sərəncamı ilə təsis edilib və Azərbaycan MDB məkanında və Şərqi Avropada gənclərə həsr olunmuş rəsmi gün elan edən ilk dövlət kimi tarixə düşüb".

"Operativ Məlumat Mərkəzi-OMM" xəbər verir ki, bu sözləri açıqlamasında Milli Məclisin deputatı Vasif bildirib:

“Bu qərar Ulu Öndər Heydər Əliyevin gənclərə verdiyi yüksək dəyərin və dövlətin gələcəyini məhz gənclərin simasında görən uzaqgörən siyasətin bariz nümunəsidir. Onun sözlərinə görə, gəncləri “xalqın gələcəyi”, “Azərbaycanın genofondu” və “müstəqilliyin təminatçısı” kimi xarakterizə edərək gənclərlə işi dövlət siyasətinin prioritet istiqamətinə çevirib”.

photo_308206.webp?v=MTE6NTkyMDI1LTEyLTI2IDE0OjM1OjE5

Deputat qeyd edib ki, Ümummilli Liderin 1993-cü ildə hakimiyyətə qayıdışından sonra gənclərlə bağlı mühüm institusional addımlar atılıb. Gənclər və İdman Nazirliyinin yaradılması, Azərbaycan Gənclərinin I Forumunun keçirilməsi, “Dövlət gənclər siyasəti haqqında” Fərman və “Gənclər siyasəti haqqında” Qanunun qəbulu savadlı, vətənpərvər və təşəbbüskar gəncliyin formalaşmasına xidmət edib. Eyni zamanda, minlərlə gəncin xaricdə təhsil alması üçün imkanlar yaradılıb, təqaüdləri təsis olunub.

Vasif Qafarov vurğulayıb ki, bu siyasət Prezident İlham tərəfindən müasir çağırışlara uyğun şəkildə uğurla davam etdirilir. “Gənclər ili”nin elan olunması, Gənclər Fondunun yaradılması, “Gənclər evi” şəbəkəsinin genişləndirilməsi, Gənclərin İnkişaf və Karyera Mərkəzinin fəaliyyəti, “Yüksəliş” müsabiqəsi, könüllülük hərəkatının genişlənməsi gənclərin potensialının üzə çıxarılmasına xidmət edən ardıcıl addımlardır.

Deputat xüsusilə qeyd edib ki, bu siyasətin real nəticələri Vətən müharibəsi dövründə özünü açıq şəkildə göstərdi:

“Ön cəbhədə qəhrəmanlıq göstərən, informasiya müharibəsində Azərbaycanın haqq səsini dünyaya çatdıranların əksəriyyəti müstəqillik dövründə formalaşmış Azərbaycan gəncləri idi. Bu, gənclərimizin vətənpərvərliyinin və dövlətə bağlılığının göstəricisidir”.

Onun sözlərinə görə, bu gün Azərbaycan gəncliyi elm, təhsil, innovasiya, idman, mədəniyyət və beynəlxalq təmsilçilik sahələrində də mühüm uğurlar qazanır. Dövlətin yaratdığı imkanlardan yararlanan gənclər ölkənin gələcəyinin daha da möhkəmləndirilməsində fəal rol oynayırlar.

Sonda deputat Vasif Qafarov Ümummilli Liderin fikrini xatırladıb:

“Müstəqil Azərbaycanın gələcəyi gənclərin əlindədir” və əlavə edib ki, güclü dövlətin əsasında məhz güclü, bilikli və milli dəyərlərə sadiq gənclik dayanır.

OMM Bot · Bu gün ən çox oxunan 5 xəbəri göstərim?

Müəllif

Jurnalist

Bütün yazıları ›
Növbəti xəbər yüklənir…