OMM Redaksiyası
Hazırda icarə əsasında "Barselona" klubunun şərəfini qoruyan və müqavilə ilə "Əl-Hilal"a məxsus olan Joau Kanselunun gələcəyi qeyri-müəyyən olaraq qalır.
"Operativ Məlumat Mərkəzi-OMM" xəbər verir ki, Kataloniya nəhəngi portuqaliyalı cinah müdafiəçisini heyətində saxlamaq niyyətindədir və artıq bununla bağlı müvafiq addımlar atmağa başlayıb.
"Sport" nəşrinin yaydığı məlumata görə, rəhbərlik icarə müddətinin uzadılması variantını yaxından nəzərdən keçirir.
Bununla yanaşı, gənc yarımmüdafiəçi Mark Kasadonun da daxil ediləcəyi ehtimal olunan bir transfer mübadiləsi də istisna olunmur.
Jurnalist Qabriel Sansın sözlərinə əsasən, Səudiyyə Ərəbistanı təmsilçisi Kanselunun birdəfəlik keçidinə kömək etmək məsələsində olduqca istəksiz davranır.
Bu səbəbdən prosesin gedişatı böyük ölçüdə futbolçunun agenti Jorje Mendeşin danışıqlarından asılı olacaq.
Qeyd edək ki, "Transfermarkt" portalı 31 yaşlı oyunçunun transfer dəyərini 9 milyon avro olaraq qiymətləndirir.
