Afət Ziyadqızı
Macarıstanın Baş nazirinin siyasi müşaviri Balaj Orban müxalif siyasətçi Peter Madyarı sərt tənqid edib.
“Operativ Məlumat Mərkəzi-OMM” xəbər verir ki, Balaj Orban bu barədə sosial şəbəkə hesabında paylaşım edib.
Bildirilib ki, müşavir Peter Madyarı "cib diktatoru" adlandıraraq, onun parlamentdəki çıxışlarını kəskin tənqid edib. Balaj Orban iddia edib ki, Madyar saatlarla mənasız nitqlər söyləyir və özünü Kuba lideri Fidel Kastro ilə müqayisə edir.
Qeyd olunub ki, paylaşımda müxalifət sıralarında sənədlərin oğurlanması, deputatların söz azadlığının məhdudlaşdırılması və onlara qanunsuz həbs təhdidlərinin edilməsi ilə bağlı da iddialar yer alıb. Balaj Orban bildirib ki, Peter Madyarın çıxışlarını əks etdirən videolar onun davranışları barədə ictimaiyyətə fikir formalaşdırmaq imkanı verir.
Bildirilib ki, Macarıstanın Baş naziri Viktor Orban daha əvvəl ölkədəki siyasi vəziyyətlə bağlı çıxışında rus yazıçısı Nikolay Çernışevskinin "Nə etməli?" romanına istinad edərək, macarların öz ölkələrində rahat yaşaması üçün atılmalı olan addımlardan danışıb.
