Azərbaycanda fevralın 3-də bəzi rayonlarda yağıntılı hava şəraiti müşahidə olunur.
“Operativ Məlumat Mərkəzi-OMM” Milli Hidrometeorologiya Xidmətinə istinadən xəbər verir ki, saat 10:00-da ölkənin bir sıra ərazilərində yağış qeydə alınıb. Yağıntının miqdarı Sarıbaşda (Qax) 4 mm, Şahbuz və Sədərəkdə 3 mm, Kişçayda (Şəki) 2 mm olub. Naxçıvan, Şərur, Gədəbəy, Şəmkir, Balakən, Zaqatala, Şahdağ və Oğuz rayonlarında isə 1 mm yağıntı düşüb.
Hazırda bəzi bölgələrdə qərb istiqamətli külək əsir. Küləyin maksimal sürəti Kəlbəcərdə 25 m/s, Şahdağda 20 m/s, Qobustanda 18 m/s, Bakı və Abşeron yarımadasında isə 15 m/s-dək güclənib.
Havanın temperaturu Bakı və Abşeron yarımadasında 12 dərəcə, Naxçıvan Muxtar Respublikasında 10 dərəcə, Aran rayonlarında 16 dərəcə, dağlıq ərazilərdə isə 14 dərəcəyədək isti qeydə alınıb.
